دەقێ راگەهاندنا پەرلەمانێ کوردستانێ:
ب لێورینڤە جارەکا دیکە دادگەها فیدڕاڵیا عێراقێ
بریارەکا دیکە دژی مافێن خەلکێ کوردستانێ دەرکر
و ئومێدا رێکەفتن و هاریکاریا زێدەتر یا حکومەتا هەرێمێ و حکومەتا فیدڕالی زور کێم کر و بیە دەسپێکا گرژبونا ناکوکیان
دادگەها فیدڕاڵی چەندین جارە بیێ ژبەر چاڤ وەرگرتنا مافێن خەلکێ کوردستانێ بریارێ ل دژی ددەت،سەرەرای هندێ کو گومان لسەر دەستوریبونا دامەزراوەکێ هەیە ژی و پێتڤیە لدیف بنەمایێن دەستورێ بهێتە دامەزراندن و رێز ل مافێن تمامیا پێکهاتیان بهێتە گرتن و وەكهەف دناڤبەرا هەمویان بجھ بئینن
ئەڤ بریارا دادگەها فیدڕاڵی کاریگەریەکا راستەوخو دێ هەبیت لسەر ژیانا فەرمانبەران و سەرجەم خەلکێ کوردستانێ و کاریگەریەکا خراپ ژی دێ ئێخیتە ژوان لێکنزیکبون و لێکتێگەهشتنا دناڤبەرا هەولێر و بەغدا دروستبوین و خەلکێ هەمی عیراقێ ب ئومێد بون ببێتە دەسپێکا دوماهیکهاتنا ناکوکیێن دناڤبەرا واندا و بجھئینانا ماددێن دەستوری و زڤراندنا مافێن هەمی دەڤەران
ئەڤ بڕیارا دادگەهێ دێ زیانێ گەهینتە رێکەفتنێ و پێکهاتێن سەرجەم عێراقێ و لجهێ ژێک نزیکرنا وەلاتیێن عێراقێ و هێزێن سیاسی پتر ژێک دیر دکەت و ئاریشە و ناکوکی و ئاستەنگێن عێراقێ دێ زێده کەت
ب ناڤێ پەرلەمانێ کوردستانێ دخازین هەمی ئەو بریارێن ل دژی کوردستانێ هاتینە دەرکرن بهێنە هەلوەشاندن و جارەکا دی دەرگەھ بو دانوستاندن و رێککەفتنێ بهێتە ڤەکرن
دادگەھ و بنەمایێن یاسایێ بو لێکتێگەهشتن و لێکنزیکبون و دادپەروەریێە،نە بو دویرکەفتنەڤە و گرژی و خوسەپاندنێ یە
پەرلەمانێ کوردستانێ
26ـێ 1 2023
