نەبەز ئیسماعیل، پەیڤدارێ وەزارەتا ئەوقاف و کاروبارێن ئایینیی هەرێما کوردستانێ ئەڤڕۆ ئێکشەممێ راگەهاند، "وەرگرتنا پارەی دەستپێکریە و هەرکەسێ پارەی نەبەت، دێ ناڤێ وی هێتە لادان."
دووماهیک دەم بۆ رادەستکرنا پارەی 03ـی مەها داهتیە. گوتژی ، "هەتا دەمێ دیارکری هەر کەسەک پارەی رادەست نەکەت، ناڤێ وی دێ هێتە لادان و کەسەکی دی دێ داننە جهێ وی."
لدۆر بهایێ حەجا ئەڤ ساڵ نەبەز ئیسماعیل گوت، "ئەوێ دهێتە وەرگرتن گوژمێ ئێکێیە. بۆ وەرگرتنا تەومامیا پارەی چاڤرێی حکومەتا عێراقێ دکەین کو بهای دیاری بکەت."
ئەڤ ساڵ پشکا حەجێ بەراورد ب ساڵێن پێشتر زێدەبویە. ل 25-09-2024 تیروپشک بۆ وان نڤا هاتیە کرن کو داخواز کربوو ساڵا 2025 بچنە سعودیە بۆ بجهئینانا حەجێ. د ئەنجامدا ناڤێ 5 هزار و 120 کەسان دەرچوویە.
