جووتیار عادل، پەیڤدارێ حکومەتا هەرێما کوردستانێ راگەهاند: "خەڵکێ خۆ دڵنیا دکەینەڤە، وەکو چەوا پێشتر نزیکی زێدەتر ل چاردە هەیڤان، حکومەتا عێراقێ بتنێ دوو جاران 200 ملیار دینار هنارتینە، مە بەردەوام مووچە دابەشکرییە، ئەوا د شیانێن حکومەتێدا بیت ل روویێ داراییەڤە تەرخان دکەت بۆ مووچەیێ مووچەخۆرێن هەرێما کوردستانێ".
گوتژی: "حکومەتا هەرێما کوردستانێ پابەندە لدیف ئەوێ شیانا داراییا هەی و دێ بەردەوام بیت ل دابەشکرنا مووچی".
جووتیار عادل، د لێدوانەکێدا سەبارەت بڕیارا دادگەها فیدراڵی دبێژیت: "ب لێبورینڤە ئەو بڕیارا دادگەها فیدراڵی پشت ب چ بنەمایەکێن دەستووری گرێنادەت، نەک بتنێ دژی بەرژەوەندییێن خەڵکێ هەرێما کوردستانێیە، بەڵکو دژی بەرژەوەندییێن هەمی خەڵکێ عێراقێیە، وەکو حکومەتا هەرێما کوردستانێ د راگەهاندنەکێدا ئەو بڕیار مە رەتکرییەڤە".
