هێڤاریا پێنجشەمێ 1/26 مەسرور بارزانی سەرۆکێ حکومەتا هەرێما کوردستانێ و برێت مەکگورک پەیوەندییەکا تەلەفۆنی ئەنجامدا
د پەیوەندییەکێدا، برێت مەکگورک، تیشک ئێخستە سەر سەرەدانا ئەڤێ دوماهیکێ بۆ بەغدا و هەولێر و گفتوگۆیان سەبارەت ب پینگاڤا داهاتی بۆ چارەسەرکرنا ئاریشێن دناڤەبرا هەرێما کوردستانێ و حکومەتا فیدراڵ لسەر بودجە و پرسێن دیکە. هەروەسا جەخت ل گرنگا ئیکڕیزیا لایەنێن کوردستانی و باشترکرنا پەیوەندییێن دناڤبەرا پارتی دیموکراتی کوردستان و ئیکەتی نیشتمانیی کوردستان کرەڤە.
د پەیوەندییەکێدا، هەروەسا بڕیارا دادگەها بڵندا فیدراڵی تایبەت ب ڕێگریکرنێ ل هنارتنا ئەو بڕە پارەیێ کو بڕیار بوو ژلایی حکومەتا فیدراڵەوە بۆ هەرێما کوردستانێ بهێتە هنارتن بەحسکر. سەرۆکێ حکومەتێ، دل گرانیا خۆ ل دەرچوونا بڕیارەکێ دەربڕی کو ئامارمانجا تێکدانا کەشی ئەرێنی و باشترکرنا پەیوەندییێن دناڤبەرا هەولێر و بەغدایە و مەرەمەکا سیاسی ل پشتە .
هه‌ما‌هەنگیكارێ کۆشکا سپی بۆ کاروبارێ رۆژهەڵاتا ناڤین و باکوورێ ئەفریقا، پشتەڤانیا وەڵاتێ خۆ بۆ چاکسازییێن کابینەیا نەهێ بتایبەتی چاکسازییێن وەزارەتا پێشمەرگەی، هەروەسا پێشکەفتنێن کەرتێ وزێ و باشترکرنا ژێرخانا ئابووری و هەوڵێن بەرهنگاربوونا گۆهارتنێن کەش و هەوای دووپات کرەڤە.
هەردوولا هەڤرەئیبوون لسەر گرنگیا نەهێلانا هەمی بەربەستێن لبەر گەشەپێدانا کەرتێ وزێ و وەبەرهێنانا زێدەترا کۆمپانیایێن ئەمەریکی ل هەرێما کوردستانێ. هەروەسا هەڤرەئیبوون لسەر وێ چەندێ د پەیوەندیا بەردەوامدا بن
