ئه‌ڤڕۆ (چوارشه‌ممێ 25ی كانوونا دوویێ 2023)، ده‌سته‌یا وه‌به‌رهێنانا هه‌رێما كوردستانێ راگه‌هاند، دكتۆر محەممەد شوکری سەرۆکێ دەستەیا وەبەرهێنانێ، ب یاوەریا ئومێد خۆشناو پارێزگارێ هەولێر و ئۆلیڤیێ دیکۆتینی کونسوڵێ گشتیا کۆمارا فرەنسا و خالد ئەلشەمرانی جێگرێ کونسوڵێ عەرەبستانا سعودیە ل هەرێما کوردستانێ، سەرەدانا کارگەها (صافی دانون) ل ھەولێر کر، کو وەبەرهێنانەکا هاوبەشە دناڤبەرس ھەردوو ووڵاتێن (سعوودیه و فرەنسا)دا و ل ساڵا 2014 بەرهەمێن خۆ ل هەرێما کوردستانێ و هەمی پارێزگەهێن دیکەیێن عێراقێ دئێختە دبازارێدا.
هه‌روه‌سا راگه‌هاندنا ده‌سته‌یا وه‌به‌رهێنانێ دادیارکرن، ئه‌ڤ پێنگاڤە پشتی بەشداریا سەرۆکێ حکومەتا هەرێما کوردستانێ ل کۆڕبەندێ ئابوورىێ داڤۆس دهێت ل وەڵاتێ سویسرا، کو دیدار دگەڵ چەندین کەسایەتىێن سیاسی، ئابووریناس، بزنسمانان و مەزنە بەرپرسێن وەڵاتان ئەنجامدا، هەڤدەم سەرۆکێ ئەنجوومەنێ وەزیران، دەستەیا وەبەرھێنانێ و دامەزراوە و لایەنێن پەیوەندیدارێن حکومەتا هەرێمێ راسپاردینە، ل دۆخێ وەبەرهێنەر و وەبەرھێنانا بیانی ل هەرێما کوردستانێ ڤەبکۆلن و ئاریشەیان بۆ چارەسەربکەن و سەردانا وان بکەن.
کۆمپانیایا (صافی دانون) ل هەرێما کوردستانێ خۆدانێ پڕۆژەیێ پیشەسازیا خۆارنێیە، کو پڕۆژەیەکێ وەبەرهێنانێیە و ل ساڵا (2013)دا دەستەیا وەبەرهێنانێ مۆڵەت پێداییە 75% کارێ دەستێ خۆماڵیە.
