ده‌قی راگه‌هاندنەکێ:
ئەڤڕۆ دادگەها ئیتیحادی، جارەکادی ، دژایەتیا خۆ بۆ مافێن دەستووری و شایستە داراییێن خەڵکێ هەرێما کوردستانێ دووپاتکر. ئەڤ هەڵوێستێ ئەڤێ دادگەهێ، جەختکرنەوەیە ل درێژەدان ب سیاسەتا نەڕەوا و دژایەتیکرنا خۆ بەرامبەر هەرێما کوردستانێ، ددەمەکیدا کو کەشەکێ ئەرێنی و ژئێک نێزیکبونێ دناڤبەرا هەردوو حکومەتێن هەرێمێ و حکومەتا فیدراڵ دروستببوو بۆ رێککەفتن و چارەسەرکرنا ئاریشان لسەر بنەمایێ دەستوورێ، لێ بلێبورینڤە ئەڤڕۆ دادگەهەکێ، ل جهێ پاڵپشتیا ئەڤی كەشێ ئەرێنییێ کو دروستبووی بکەت، د بڕیارەکا نەڕەوادا و دژ ب خەڵکێ کوردستانێ، رێگری ل هنارتنا ئەوی بڕە پارەی کر کو بڕیار بوو ژلایێ حکومەتا فیدراڵەوە بۆ هەرێما کوردستانێ بهێتە هنارتن.
حکومەتا هەرێما کوردستانێ، چەندین جاران شاند هنارتینە بەغدا و پشتی سەردانێژی، ل بەغدا گفتوگۆیەکا زۆر بەرهەمدار هاتبو کرن و هەردوولا نیەت پاقژیاخۆ بۆ چارەسەرکرنا ئاریشەیان ل چوارچوفێ دەستوورێ و ئەو کارنامەیا کو لایەن لسەر رێککەفتی دووپاتکرییەڤە.
هەرێما کوردستانێ، هەرێمەکا فیدراڵیا دەستوورییە و ئەڤ بڕیارە، پێشێلکرنەکا زەق و ئاشکرایا دەستوورێ عێراقێیە. هەروەسا دژی رێککەفتنا لایەنەێن ئیداریێن دەوڵەتێیە بۆ پێکئینانا حکومەتا نوی و دژی کارنامەیا وەزاریا حکومەتا عێراقێیە کو ژلایێ ئەنجومەنێ نوینەرانڤە هاتیە پەسەندکرن و تێدا ل بڕگەیەکێدا ب روونی بەحس ل خۆدوورگرتن ل هەر رێکاڕەکێ دکەت کو ئاریشەیان ئاڵۆزتر بکەت ( تجنب اية اجراءات تصعيدية). لەوما ئەم ئەڤێ بڕیارا دادگەها ئیتیحاددی، ب بڕیارەکا نەک بتنێ دژی هەرێما کوردستانێ، بەڵکو دژی حکومەتا نوی یا عێراق و لایەنێن پێکهێنەرێن حکومەتێ دزانین و پێدڤیە هەڵویستەکێ روون و ئاشکرا بەرامبەر بڕیار و رەفتارێن نە ڕەوایێن دادگەها ئیتیحادی هەبیت. هەروەسا ل کارنامەیا وەزاریا حکومەتا عێراقێدا هاتیە کو هەمی لایەنێن بەژداربووی لسەر رێککەفتین، پێدڤیە د ماوەێ شەش هەیڤاندا، پڕۆژە یاسایێ دادگەها ئیتیحادی دەربچیت، ژبەرکو لبەر ئەڤێ دادگەها نها، کو لدیف دەستوورا دروست نەکری ، چ دەرفەتەک بۆ چارەسەرکرنا ئاریشەیان نییە و نابیت.
هەرێما کوردستان رێز ل دەستوور و یاسا و دادگەهێن شەرعی دگریت، لێ ئەڤ دادگەهە ب شێوەیەکێ دەستووری پێکنەهاتیە و رێک نەئێخستیە و نەشێت وەک دادگەهەکە فیدرالی بڕیارێ بدەت، ژبەرڤێ چەندێ بڕیارێن وێ ڕەت دکەینەوڤە و داخوازێ ل حکومەتا فیدراڵ دکەین، نەچیتە بن ئەڤێ بڕیارێ و پابەند بیت بڤان پەیمانێن کو بۆ هنارتنا شایستە داراییێن هەرێما کوردستانێ داینە.
حکومەتا هەرێما كوردستانێ
2023/1/25
