مه‌سعود بارزانی، سەبارەت نویترین بڕیارا دادگەها ئیتیحادی ل دژی هه‌رێما كوردستانێ په‌یامەک راگه‌هاند.
ده‌قێ په‌یامه‌كێ
بناڤێ خودێ مەزنو دلۆڤان
جهێ داخێیە جارەکادی دادگەها فیدڕاڵییا عێراقێ هەڵویستەكێ دیێ دوژمنكارانە بەرانبەر هەرێما كوردستانێ نیشان دا و، ڕێگری لوی بڕە پارەی کر یێ بۆ هەرێمێ دا هێت كو بڕیار بوو ژلایێ حكوومەتا فیدڕاڵەوە بۆ هەرێما كوردستانێ هاتبا هنارتن.
لێرەدا مەبەست بڕە پارەکە نیە بەڵكو، ئاریشەیا سەرەكی پێشێلكرنا ماف و پڕەنسیبە. هەمی لایەك ئاگەهدارن كو بەشدارییا مە ل هەفپەیمانییا ئیداریا دەوڵەتێ و پێكئینانا حكوومەتا نویا عێراقێ، لسەر بنەمایێ بەرنامەیەكێ ڕوون و تێروتەسەل بووییە كو هەمی لایەنەکی ڕێككەوتن لسەر كرییە. دابینكرنا بەشەك ل شایستیێن داریێن هەرێما كوردستانێژی كو مافەکێ ڕەوایێ خەڵكێ كوردستانێیە، بەشەک بووییە لوی بەرنامەی و ڕێككەوتنا لسەر هاتیە کرن. ژبەرڤێ چەندێ بڕیارا ئەڤڕۆیا دادگەها فیدڕاڵی، بەری دژی هەرێما كوردستانێ بیت، دژی پڕۆسەیا سیاسی و دژی حكوومەتا عێراقێ و دژی بەرنامەیێ هەفەپەیمانیا ئیدارەیا دەوڵتێژیە.
جهێ سەرسوڕمانییە هەر دەم كەشەکێ ئیجابی دناڤەبرا هەرێمێ و بەغدا دروست ببیت و دەرفەتەک بۆ چارەسەرییا ئاریشان هاتبیتە ئارا، دەستبجی دادگەها فیدڕاڵی كار بۆ تێكدانا ئەوێ دەرفتێ كرییە و ب بڕیارەکا دوژمنكارانە دەرفەتەكە لبار برییە و بووییە ئەگەرێ ئاڵۆزتربوونا ئاریشان. دیارە ئەجیندایەكێ گوماناوی جێبەجێ دكەت و جهێ دادگەها شۆڕش (محكمة الثورة)ـی ڕژێما پێشتر گرتییەڤە.
لێرەدا داخوازێ ل حكوومەتا عێراقێ و لایەنە پێكهێنەر هاوپەیمانەتیا ئیدارەیا دەوڵەتێ دكەم هەڵوێستێ خۆ سەبارەت ئەڤان پێشێلكاریان و دژایەتیكرنێ نیشان بدەن كو ژلایێ دادگەها فیدڕاڵی ل دژی بەرژەوەندییێن عێراقێ و هەرێما كوردستانێ دهێنە ئەنجام دان.
مسعود بارزانی
25ی كانوونا دوویێ 2023
