لدیف زانیارییێن رۆژنامه‌یا واشنتن پۆستا ئه‌مه‌ریكی، ژ وی دەمێ چینێ رێنماییێن خۆپاراستنێ هه‌ڵگرتین، رێژه‌یا تووشبوونێ ب په‌تایا كۆرۆنایێ بشێوه‌یه‌كێ به‌رچاڤ بڵند بوویە و لدیف داتایان و بەڵاڤکریێن فه‌رمی ده‌ستهەلات دارێن ساخلەمیێ ل چینێ، دماوەیێ پێنج حەفتیێن بووریدا پتر ژ 60 هزار كه‌س ژبەر كۆڤید19ـی ژیانا خۆ ژدهستداییە.
جیاو یاهووی سه‌رۆكێ نڤیسینگەها ساخلەمیا نشتیمانیا چینێ راگه‌هاند، دماوێ پێنج حه‌فتیێن بووریدا ل چینێ 60 هزار كه‌سان ژبەر کۆرۆنایێ ژیانا خۆ ژدهستداییە.
هه‌روەسا رۆژنامه‌یا واشنتن پۆست ئاماژه بوێ چەندێكریە، رێژه‌یا مرنێ ل چینێ زۆر زێدەترە ژوێ هژمارا كو ده‌ستهەلاتدارێن ساخلەمیا ئه‌وی وەڵاتی بەڵاڤدکەن.
ئه‌ڤێ رۆژنامه‌یێ دادیارکرن، كۆمپانیایا (ماكسار ته‌كنه‌لۆژی) وێنه و ڤیدیۆی ب رێکا هەیڤا ده‌ستكرد گرتییە کو چەوا چین ته‌رمێ وان كه‌سان د‌سووژن یێن ژبەر كۆرۆنایێ ژیانا خۆ ژده‌ستدای.
هه‌روه‌سا ڤیدیۆ و وێنه‌یێ وان كه‌سانژی گرتییە،یێن کو ته‌رمێ كه‌سوكارێن خۆ ڤەدشێرن.
