وه‌زاره‌تا سامانێن سروشتییا حكومه‌تا هه‌رێما كوردستانێ گه‌هشتنا ئێكه‌م كاروانێ گازا سپی ژلایێ حكومه‌تا فیدراڵڤە بۆ هه‌رێما كوردستانێ راگه‌هاند، ئه‌ڤەژی رۆژەکێ پشتی سه‌رەدانا مه‌سرور بارزانی بۆ به‌غدا دهێت.
ئه‌ڤڕۆ پێنجشه‌ممێ (12ـی كانوونا دوویێ 2023)، وه‌زاره‌تا سامانێن سروشتییا حكومه‌تا هه‌رێما كوردستانێ راگه‌هاند: سەبارەر گه‌هشتنا ئێكه‌م كاروانێ گازا سپی بۆ هه‌رێما كوردستانێ ژلایێ وه‌زاره‌تا نه‌فتا عێراقێڤە بەڵاڤکر.
د راگەهاندنەکێدا هاتییە، پشتی سەرەدانا مەسرور بارزانی، سەرۆكێ حكومەتا هەرێما كوردستانێ و شاندا یاوەر ل 11ی ئەڤێ هەیڤێ بۆ بەغدا، كو چەندین بابەتێن تایبەت لسەر ئاریشەیان گفتوگۆ كرن، تەوەرەکێ ئەڤێ گفتوگۆیێ تایبەت بوو بدابینكرنا گازا سپی بۆ وەڵاتیێن هەرێما كوردستانێ.
وه‌زاره‌تا سامانێن سروشتی ئاماژه بوێچەندێکر، دڤێ سه‌رەدانێدا، شیان بڕا 50 ملیۆن لتر ژ گازا سپی بۆ هەرێما كوردستانێ تەرخانبکەن، كو پێشتر بهایێ هەر لترەکا گازا سپی ب 750 دیناران هاتبو دەستنیشان كرن، لێ سەرۆكێ حكومەتێ دئەڤێ سەرەدانێدا داخۆازکر ئەڤ بهایە بۆ ووڵاتییان بهێتە كێمکرن.
لدیف راگه‌هاندنەکێ، لسه‌ر داخۆازا سه‌رۆكێ حكومه‌تا هه‌رێما كوردستانێ، وەزارەتا نەفتا عێراقێ رازی بوو ئەڤی بهای بۆ 500 دیناران بۆ هەر لترەكێ کێمبکەتەڤە و هه‌ر ئه‌ڤڕۆ ئێكەم كاروانێ گازا سپی گەهشتە هه‌ولێر.
وەزارەتا سامانێن سروشتی ئاشكراکر، ئەڤ بڕە گازە بسەر پارێزگەهێن هەرێما كوردستانێ و ئیدارەیێن سەربەخۆ و دەڤەرێن جوداجودایێن هه‌رێما كوردستانێ بهەمان بهای دێ دابەشکەن.
