د پێشكێشكرنا گوتارەکێدا ل ساڵڤەگەرا ژدایكبوونا حه‌زره‌تی زه‌هرا (رازیبونا خودێ لسه‌ربیت)، نووری مالكی سه‌رۆكێ ئیتیلافا ده‌وڵه‌تا یاسا، ئه‌ڤڕۆ (شه‌ممبیێ 14ـی كانوونا دوویێ 2023) راگه‌هاند، ره‌نگه دووباره خۆنیشاندان ل عێراقێ سه‌رهه‌ڵبده‌نەڤە، داخوازکر، دەرفەتێ بدەنە حكومه‌تا محه‌ممه‌د شیاع سوودانی، داکو كارێ خۆ بكه‌ن. مالكی هندەک لایەن بوێ چەندێ تۆمه‌تباركرن، كو ل پشت بڵندکرنا بهایێ دۆلارینە ل عێراقێ.
هه‌روهسا مالكی گوت: "هندەک لایه‌ن د په‌یوه‌ندیاندانە دگه‌ڵ ده‌رڤە، داکو دووباره شه‌پۆلەکا دیا خۆنیشاندانان رێكبئێخن و حكومه‌تا نها یا عێراقێ بئێخن". داخواز ژ عێراقییان كر، رێکێ بده‌ن حكومه‌تا نها كارێ خۆ بكەت، كو سێ هەیڤە هاتیە پێكئینان.
روونکرەڤەژی، حكومه‌تێ پێدڤی ب چه‌ند ساڵەکان هه‌یه، داکو ئاریشە چاره‌سه‌رببن، نابیت لەزێ بكەین، كو هێشتا بودجه نەهاتیە په‌سه‌ند کرن .
مالكی کوتژی: "هندەک كه‌س هیڤی خوازن بهایێ دۆلار بڤی شێوەی بمینتەڤە، كو زیان دێ بتنێ بەر وەڵاتیان کەڤیت".
سه‌رۆكێ ئیئتیلافا ده‌وڵه‌تا یاسا دا دیارکرنژی، هەر خۆنیشاندانەکا هەبیت رەت دکەین، كو كاریگه‌ری بۆسه‌ر بژێویا خه‌ڵكی و به‌رژه‌وه‌ندیا گشتی هەبیت.
مالكی گوتژی: "حكومه‌ت پشتی نه‌هامه‌تییه‌كا زۆرا سیاسی پێكهات، عێراق ل لسەر لێڤا شه‌ڕێ ناڤخۆ بوو".
