ئەڤشەڤ پێنجشەمێ مەسرور بارزانی سەرۆکێ حکوومەتا هەرێما کوردستانێ د پەیوەندییەکا تەلەفۆنیدا، پیرۆزباهی ل سەرۆک وەزیرانێ نوییێ فیدراڵ محەمەد شیاع سوودانی کر ب هەلکەفتا باوەری پێدانێ ژلایێ ئەنجوومەنێ نوینەرێن ئێراقێڤە.
سەرۆکێ حکوومەتێ هیڤیا سەرکەفتنێ بۆ سەرۆک وەزیرانێ نویێ فیدراڵ خواست د ئەرکێ ویێ نویدا.
سەبارەت ڤێ چەندێ سەرۆکێ حکوومەتێ د تویتەکێدا ڕاگەهاند "ئەڤشەڤ د پەیوەندیەکا تەلەفۆنیدا دگەڵ سەرۆک وەزیران محەمەد شیاع سوودانی ئاخفتم و من پشتراست کرەڤە کو پشتەڤانیێ لێ دکەم ژ پێخەمەت دەستپێکەکا نوی ل پەیوەندییێن دناڤبەرا هەولێر و بەغدادا، کو ببیتە ئەگەرێ بەرەفپێشبرنا هەماهەنگی و هەڤپەیڤینێ ژ جهێ ململانێ و ڕوویبرووی بونا، وەڵاتی پێدڤی بڤێ جۆرێ هەڤبەشیێیە".
