مەسرور بارزانی سەرۆکێ حکوومەتا هەرێما کوردستانێ د تویتەکێدا ڕاگەهاند: ئەڤ شەڤ دگەڵ هەڤالێ خۆ، مستەفا کازمی سەرۆک وەزیرانێ بەرێ یێ عێراقێ ئاخفتم، داکو سوپاسیێ لێ بکەم سەبارت ب سەرکردایەتیێ و خزمەتکرنا وەڵاتی.
ڕاگەهاندژی: سەرەڕای زەحمەتیان و مەترسییێن لسەر خودێ وی، لسەر ڕێڕەوا خۆ بەردەوام بوو.
سەرۆکێ حکوومەتێ د تویتەکێدا نڤیسیە "هیڤیا سەرکەفتنێ بۆ دخوازم."
ئەڤەژی د دەمەکیدایە شەڤا بووری ل په‌رله‌مانێ عێراقێ ب زۆرینه‌یا ده‌نگێ په‌رله‌مانتاران، ده‌نگ لسه‌ر كارنامه‌یا حكوومه‌تا محه‌مه‌د شیاع سوودانی و وه‌زیرێن به‌ربژێر هاتە دان كو هژماره‌یان وان 21 وه‌زیر بوون.
ئه‌ڤڕۆ ئه‌ینیێ ب فه‌رمی مسته‌فا كازمی سه‌رۆک وه‌زیرانێ بەرێ یێ عێراقێ پۆستێ خۆ ڕاده‌ستی محه‌مه‌د شیاع سوودانی سه‌رۆک وه‌زیرانێ هه‌ڵبژارتی کر.
