نەوزاد شێخ کامل، رێڤەبەرێ گشتیێ بازرگانی راگەهاند: "سەبارەت ب دابەشکرنا گۆشت ب بهایەکێ ئەرزان، کو بڕیارە ل عێراقێ بهێتە دابەش کرن دگەڵ ئەرزاقی بسەر وەلاتیاندا، هەتا نوکە حکومەتا عێراقێ وەڵاما نڤیسارا مە نەدایەڤە، ژبەرکو دابەشکرنا ئەڤی گۆشتی هەتا نوکە بتنێ بەشەک ل گەڕەکێن بەغدا ڤەدگریت".
سەبارەت دابەشکرنا ئەرزاقێ ئەڤێ هەیڤێ نەوزاد شێخ کامل گوت: "دابەشکرنا ئەرزاقێ ئەڤێ هەیڤێ ل 15/1/2024، ئانکو چەند رۆژەکێن دیکە دێ دەستپێکەت و هەمان ئەو ماددە دێ هێنە دابەشکرن کو ل ساڵا بووری هاتینە دابەشکرن".
دادیارکرنژی: "پلانا کارێ مە بۆ ئەڤساڵ دگەڵ حکومەتا عێراقێ ئەوەیە کو ئەرزاق وەک خۆ بهێتە دابەشکرن، وەک ساڵا بووری، پێشنیاز هاتیە کرن داکو پەنیر، شیر و ئارێ سفر بۆ ئەرزاقی بهێتە زێدە کرن، لێ هەتا نوکە رەزامەندی لسەر ئەڤێ پێشنیازێ نەهاتیە دان بۆ جێبەجێ کرنێ ژبەرکو دڤێت پەرلەمان و ئەنجومەنێ وەزیران رەزامەندیێ بدەن و بڕە پارەکێ بۆ تەرخان بکەن.
