پەیڤدارێ حكومه‌تا هه‌رێما كوردستانێ راگەهاند، ته‌وه‌رەکێ کومبوونا ئه‌ڤرۆ یا ئه‌نجومه‌نێ وه‌زیران، لسەر پرسا لادانا زێده‌گاڤیان لسەر جهێن گشتی بوو، ل كومبوونێدا ژی سه‌رۆكوه‌زیران مه‌سرور بارزانی لسەر سڤکاتیکرن ب خه‌ڵکێ هه‌ژار ل بن ناڤێ رێگری ل زێدەگاڤیان گوت : ل چ کەسان و لایەنەکی قەبیل ناکەم دەست بۆ خەڵکێ کاسبکار و هەژار ببەت، ژبەر هندێ ژی سڤکاتیکرن ب خەڵکێ هەژار ل بن ناڤێ رێگریکرن ل زێدەگاڤیان ناهێتە قەبیل کرن.
پەیڤدارێ حكومه‌تا هه‌رێما كوردستانێ ئاماژه ب هندێ ژی کرییە، سه‌رۆكوه‌زیران مەسرور بارزانی راگەهاندییە : ئەگەر لایەنێن ئیداری بڤێت زێدەگاڤیان رابگرن، دڤێت پلانێن دیکە بۆ ڤان کەسان هەبیت کو نانێ ڤان لسەر وی کارییە و هەڤکاریا وان بکەن و جهەکێ باشتر و گونجایتر ل جهێ وان پێ بهێتەدان
