بەشێ پێشبینیا ل ڕێڤەبەریا کەشناسی و بومەلەرزەزانیا هەرێما کوردستانێ راگەهاند، ئەڤڕۆ پێنجشەممێ ئەسمان دێ نیڤ عەور بیت ل هندەک دەڤەران دێ عەورێ تەواو بیت، پشتی نیڤرۆ نەرمە باران دێ دەستپێکەت ل سنوورێ پارێزگەها دهۆک و دەڤەرێن چیای ل دەمێ شەڤێدا کاریگەری دێ درێژ بیتەڤە بۆ سەر دەڤەرێن چیایێن پارێزگەها هەولێر، ل درەنگیا شەڤێدا لسەر بلنداهیا چیایان بەفر دێ باریت، ب تایبەتی چیایێن بلندێن سنووری، هەروەسا ل شەڤێ ئەگەرێ دروست بوونا تەم و مژێ هەیە.
سەبارەت کەشوهەوایێ سبەی کەشناسیێ پێشبینی کریە رۆژا ئەینی ئەسمان ب گشتی دێ عەور بیت، ل سنوورێ پارێزگەها دهۆک و دەڤەرێن چیایێن پارێزگەها هەولێر و ئیدارا راپەڕین بارانبارین دێ ب شێوەیەکێ پچڕ پچڕ بیت، ل ئێڤاری ئاستێ دابارینێ دێ زێدەبیت،هەروەسا ل دەڤەرێن چیایێن بلند و دەڤەرێن سنوری بەفر دێ باریت، پێشبینیا دروستبوونا تەم و مژەکا کێم دهێتە کرن سبەی ئەینیێ، پلێن گەرمێ دێ داکەڤن.
