بەشێ پێشبینیا ل رێڤەبریا کەشناسی و بومەلەرزەزانیا هەرێما کوردستانێ راگەهاند، ئەڤڕۆ چوارشەممێ 1/11/2023، ئەسمان دێ نیڤ عەور بیت و لەزاتیا بای ل هەندەک دەڤەران دێ زێدە بیت، ب تایبەتى ل سنوورێ پارێزگەها هەولێر، هەروەسا ئەگەرێ پەریشکێن بارانێ هەیە لسەر بەشەکێ دەڤەرێن چیای ل هندەک دەمان، پلێن گەرمێ هندەک دێ داکەڤن ب بەراورد دگەڵ تۆمارکریا دوهی.
کەشناسیێ پێشبینی کریە، سبەى پێنجشەممێ ئەسمان دێ دناڤبەرا نیڤ عەور و عەورێ تەواودا بیت، کاریگەرىا نزمە پاڵە پەستۆیەکێ ل دەمێ پشتی نیڤرۆ دێ لسەر دەڤەرێن مە زێدە بیت، پێشبینىا بارانبارینەکا کێم و بارانا مامناوەند دهێتە کرن، ل دەڤەرێن سنووری هندەک دەمان پێشبینىا بارانا مامناوەند و دەم کورت هەیە، سەنتەرێ پارێزگەها هەولێر، دهۆک و کەرکووک نەرمە بارانەکا کێم دێ هەبیت، ل هندەک دەما کاریگەرىا ئەڤێ نزمە پاڵەپەستۆیێ دێ لسەر سنوورێ پارێزگەهێن سلێمانىێ، هەڵەبجە و ئیدارەىا گەرمیان دێ زێدەتر بیت، بارانا مامناوەند دێ باریت و ئەگەرێ دروستبوونا بریسیان هەیە، پلێن گەرمێ هندەک دێ داکەڤن بەراورد ب تۆماریا ئەڤڕۆ.
بلنترین پلێن گەرما پێشبینیکری ب پلەیا سیلیزی:
هەولێر: 29 پلە سیلیزى
سلێمانی: 26 پلە سیلیزى
دهۆک: 29 پلە سیلیزى
کەرکوک:31 پلە سیلیزى
هەڵەبجە: 26 پلە سیلیزى
زاخۆ: 31 پلە سیلیزى
حاجی ئۆمەران: 16 پلە سیلیزى
سۆران : 28 پلە سیلیزى
گەرمیان: 31 پلە سیلیزى