د راگەهاندنەکێدا وەزارەتا کشتوکاڵێ، جووتیاران ئاگەهدار دکەت: "د نوکەدا بەرهەڤی دهێتەکرن بۆ دانانا پلانا بەرهەمێ کشتوکاڵیێ زستانێ بۆ وەرزێ چاندنا 2023- 2024، رێڤەبەریا گشتییا پلاندانان و دیڤچوونێ ل وەزارەتا کشتوکاڵ و سەرچاوەیێن ئاڤی، ئاگاهداریا هەمی جووتیارێن هەرێما کوردستانێ دکەتەڤە کو پێدڤیە دماوێ (45) رۆژاندا ل رێکەفتی (1/11/2023) هەتا (15/12/2023) فۆڕما زانیاری یا جووتیارێ راستەقینە پڕبکەنەوە، کو ئاماژە دکەت ب (ناڤێ جووتیار و رووبەرێ ئەردێ چاندی) ب مەرەما چارەسەرکرنا ئاریشەیا ببازاڕکرن و وەرگرتنا گەنمێ جوتیاران ل چوارچێوفێ پلانا ساڵانەیا وەرگرتنێ، ب هەماهەنگی دگەڵ وەزارەتا کشتوکاڵ و بازرگانیا عێراقێ و وەزارەتا بازرگانی و پیشەسازییا هەرێمێ".
دایە دیارکرنژی: "هەمی فەرمانگەهێن وەزارەتان ب هەماهەنگیا لقێن ئێکەتیا جووتیاران و ئەنجومەنێ گوندان لیژنەیا مەیدانی دێ پێکئینن و دێ سەرەدانا زەڤیێن جووتیاران کەن و زانیارییان دێ د فۆڕمەکا بەرهەڤکریدا تۆمار کەن".
وەزارەتا کشتوکاڵ، کوتژی: "هەر جووتیارەک دێ بەرپرسیار بیت، ل تۆمارکرن پێدانا زانیارییان لدەمێ پڕکرنەڤا فۆرمێ، ژبەرکو ئەڤ زانیاریە دێ بنە بنەمایێ مامەڵەکرن دگەڵ جووتیارێن مە لدەمێ هنارتنا لیستا ناڤێ جووتیارێن راستەقینەییێن هەرێما کوردستانێ بۆ وەزارەتا بارزگانی و وەزارەتا کشتوکاڵا فیدراڵ".
