لدیف کارنامەیا کۆبوونەوەیا ئەڤڕۆیا ئەنجومەنێ وەزیران، ئێکەم بڕگەیا کۆبوونەوەکێ دێ تایبە بیت ب خستنەڕوویا دەرئەنجامێ سەرەدانا شاندێ حکومەتا هەرێما کوردستانێ ب سەرۆکایەتیا مەسرور بارزانی، سەرۆکوەزیرانێ حکومەتا هەرێما کوردستانێ بۆ بەغدا ل رۆژا 11ـی کانوونا دوویێ و کۆبوونەوە دگەڵ سەرۆکایەتیێن فیدراڵ و کۆبوونەوەیا وەزارییا دناڤبەرا شاندێ دانوستاندکارێ هەفپشک سەبارەت ب دۆسیەیێن دارایی و بودجە و نەفتێ.
د بڕگەیا دوویێدا، راپۆڕتا وەزارەتا سامانێن سروشتی سەبارەت ب جێبەجێکرنا بڕیارا بەرێ یا ئەنجومەنێ وەزیران بۆ دابینکرنا گازا سپی بۆ وەڵاتیێن هەرێما کوردستانێ دێ هێتە بەحسکرن.
د کارنامەیا کۆبوونەوەیا ئەڤڕۆیا ئەنجومەنێ وەزیراندا هاتییە، بڕگەیا سێیێ یا کۆبوونەوەکێ دێ تایبەت بیت ب پێشکێشکرنا راپۆرتەکێ سەبارەت ب بەرەفپێشچۆنا جێبەجێکرنا پلانا هەرێما کوردستانێ بۆ مافێن مرۆڤی ژلایێ رێکخەرێ راسپاردەیێن نێڤدەولەتی.
