ئه‌ڤڕۆ ئه‌ینیێ (11ی تشرینا دوویێ 2022)، د راگه‌هاندنەکێدا ئه‌نجوومه‌نێ ئاسایشا هه‌رێما كوردستانێ، ده‌ستەسەرکرنا تۆمه‌تبارەکی راگه‌هاند كو بەریا چه‌ند رۆژەکان ل به‌غدا سێ كه‌سێن ئێک خێزانێ كوشتبون، كو دڤیا بەرەف ده‌رڤەی وڵاتی بچیت.
د راگه‌هاندنەکێدا هاتیە، ئەنجومەنێ ئاسایشا هەرێما کوردستانێ ل باژێرێ هەولێر تۆمەتبارەک ب ناڤێ عەلی مەجید هاشم محەممەد دەستەسەرکر، کو تۆمەتبارە ب کوشتنا سێ ئەندامێن ئەو خێزانا ل باژێرێ بەغدا.
تۆمەتبار (عەلی مەجید هاشم محەممەد) ژدایک بویێ 1999 و ئاکنجیێ باژێرێ بەغدایە، ل ڕێکەفتی 8ی تشرینا دوویێ 2022، سێ ئەندامێن خێزانەکێ کو پێکهاتبوون ژ دایک بناڤێ (زەهرا عەلی حسێن) و دوو خوشکان بناڤێن (دوعا مەجید هاشم محەممەد و بوشرا مەجید هاشم محەممە) دکوژیت، پشتی ئەنجامدانا تاوانەکێ درەڤیت بۆ هەرێما کوردستانێ ب مەبەستا خۆدەربازکرنێ ل دەست هێزێن ئەمنی و رەڤین بۆ دەرڤەی وڵاتی.
پشتی کۆمکرنا زانیاریان لسەر تۆمەتبارێ ناڤبری و هەماهەنگیا تەواو دگەڵ دەزگەهێن ئەمنییێن حکومەتا عێراقێ فیدراڵ، ژ لایێ ڕێڤەبەریا ئاسایشا هەولێرڤە شیان ل ڕۆژا پێنجشەممێ 10ی تشرینا دوویێ 2022 تۆمەتبار دەستەسەر بکەن و ل دەمێ ڤەکولینێدا دان ب تاوانا خۆدا ئینایە.
