مەسرور بارزانی پێشوازی ل بریارەکا پەرلەمانێ لۆکسمبۆرگ کر

 سەرۆکێ حکومەتێ پێشوازی ل بڕیارەکا پەرلەمانێ لۆکسمبۆرگ سەبارەت ب جینۆسایدناساندنا تاوانێن داعش دژی کوردێن ئێزیدی کر

ئەڤڕۆ ئەینیێ 11ی تشرینا دوویێ 2022، مەسرور بارزانی، سەرۆکێ حکومەتا هەرێما کوردستانێ ل هژمارەیا فەرمییا خۆ ل تویتەرێ د پەیامەکێدا پێشوازی ل بڕیارەکا پەرلەمانێ لۆکسمبۆرگ سەبارەت ب جینۆسایدناساندنا تاوانێن داعش دژی کوردێن ئێزیدی کر و نڤیسیە: “دوهی پەرلەمانێ لۆکسمبۆرگ تاوانێن داعشێ دژی ئێزیدیان ب جینۆساید ناساند، ب گەرمی پێشوازیێ لڤێ بڕیارێ دەکەم.”

 ل بەشەکێ دیکەیێ پەیامەکێدا ئاماژە بوێ چەندێ دایە: “ئەڤ بڕیاره‌ هاریکارە بۆ بجهئینانا هەستێ زێدەترێ لێپرسینەوێ بۆ کۆمەڵگه‌هەکی، کو حەزا ئاسایش و زڤرینێ بۆ  زێدێ بابوباپیرێن خۆ دکەن.”

ل دوماهیکا پەیامەکەێدا هاتیە: دێ هەوڵێن خۆ بهێزتر کەین بۆ ئێکخستنەڤا هەمی ئێزیدیان دگەڵ کۆمەڵگەهاوان و دادگەهکرنا تاوانباران، پشتگیریا خێزانێن ئاوارە و ئاساییکرنەڤا دۆخێ شنگالێ دێکەین.