وه‌زاره‌تا خواندنا بڵند و توێژینه‌وا زانستی راگه‌هاندنەک بەلاڤکر، تێدا هاتیە، ده‌واما فه‌رمانبه‌ران بۆ ماوێ ئێك دەمژمێرێ دێ هێتە كێم کرن.
ده‌قێ راگه‌هاندنەکێ:
پیرۆزباییا هاتنەڤا مەها رەمەزانێ پیرۆزە ل هەمی موسڵمانان، ب فەرمانا د. ئارام محمد قادر، وەزیرێ خواندنا بڵند و توێژینەوا زانستی و ژبەر بەرژەوەندیا گشتی و لبەرچاڤ وەرگرتنا بارودۆخێ مامۆستایان و فەرمانبەران و خواندەڤانان و قوتابیان ل مەها رەمەزانێدا، وەزارەتا خواندنا بڵند و توێژینەوا زانستی بڕیاردا ب:
١- کێم کرنا دەمێ دەواما فەرمانبەران بۆ ماوێ ئێک دەمژمێرێ.
٢- دەمژمێر 09:00ـی سپێدێ دەمێ دەستپێکرنا وانا ئێکێە.
٣- کێم کرنا دەمێ وانەیان (پراکتیکی و کرداری) بۆ ماوێ نیڤ دەمژمێرێ، بۆ وان وانەیان یێن دوو یان سێ دەمژمێر بن.
٤- دەسەڵات دێ هێتە دان ب سەرۆکێن زانکۆیان بۆ رەچاوکرنا دەمێ وا وانەیێن ل دەمێ ئێڤاریان و دکەڤنە دەمێ بەربانگی د هەمی حالەتان دا وانەیێن (تیۆری و پراکتیکی)، نیڤ دەمژمێرێ پێش بەربانگێ هێڤاری دڤێت بهێتە بدیماهیک ئینان.
