سه‌رۆكوه‌زیران مه‌سرور بارزانی ل چاڤپێكه‌فتنەکێدا دگە‌ڵ كەناڵێ ئێن بی سیێ ئەمەریكی راگەهاند : سرووشتێ هەڕەشان هاتیە گوهرین مە پێدڤی ب هەڤکاریەکا زێدەتر ژ روویێ سەربازی و ئابووری و سیاسیڤە هەیە، چونكی ئەو ئالنگاریێن روویبرووی مە دبنەڤە جیاوازن وەكو وان هەڕەشەیێن داعش کو پێكڤە ئەم روویبرووی بووینەڤە و ژبەر هندێ پێشبینیا هەڤکاریەکا زێدەتر دکەین ژ ئەمەریكا.
سه‌رۆكوه‌زیران مه‌سرور بارزانی ئاماژ ب هندێ دایە ژی : "مە پێدڤی ب هەڤکارییا زێدەترا ئەمەریكا هەیە و مەبەستامە ئەڤە نییە مە پێدڤی ب سەربازێن زێدەترە ، نەخێر مە پێدڤی ب شیانێن سەربازیێن زێدەترە ژبۆ هندێ شیانێن سەربازیێن پێشمەرگەی بگەهیتە ئاستەکی نەکو تنێ بەرگریێ ل خەڵكێ خۆ بكەین بەڵكو بەرگریێ ل ئەوانژی بكەین یێن ل هەرێما كوردستانێنە”
