رۆژا دووشەمبی (27ـی تشرینا دوویێ 2023) وەزارەتا بەرگریا عێراقێ داخواز کرییە، سەرجەم ئەندامين لیوایا 20 یا هەڤبەش ل رۆژا 2 کانوونا ئێکێ یا 2023ـیێ پەیوەندی ن بنگەهێن راهێنانێ ڤە بکەن ل پارێزگەهێن کەرکووک، نەینەوا و دیالە.
رۆژا شەمبی (18ـی تشرینا دوویێ 2023) شاخەوان عەبدوڵڵا، جێگرێ سەرۆکێ پەرلەمانێ عێراقێ راگەهاند، "ئەڤ شەڤە دگەڵ عەبدولئەمیر یارەڵڵا، سوپاسالارێ عێراقێ لسەر لیوایا 20 کومبووینەڤە و بڕیار هاتەدان هەمی گرفت بهێنە لادان و فەرمانا دەستبەکاربوونێ بۆ دەربچیت و مووچەیێ هەیڤا 12 بۆ دهێتەدان".
پێشتر قارەمان شێخ كەمال، جێگرێ سوپاسالارێ پێشمەرگەی راگەهاند ، ل چوارچوڤێ رێككەفتنا وەزارەتا پێشمەرگەی و سوپایێ عێراقێ بۆ دروستكرنا دوو لیویێن هەڤبەش و وەزارەتا پێشمەرگەی لیوای 20 یا هەڤبەش بۆ ڤێ مەبەستێ دیاریکرییە، ژبۆ هنده ئەڤ دوو لیوایێم هەڤبەش بهێتەپێکئینان، دڤێت بچنە سەر وەزارەتا بەرگریا عێراقێ و دیڤدا دگەڵ لیوایەكا دیكەیا وەزارەتا بەرگری دوو لیوایێن هەڤبەش دێ ژێ هێنە دروستکرن، ل سنوورێ كەركووك و دەشتا مووسڵ و مەخموور و خانەقین دێ هێنە جێگیرکرن.
هەڤدەم ل (27ـی ئابا 2023) عه‌مید هێمن حه‌سه‌ن، فه‌رمانده‌ی لیوایا 20 هەڤبەش راگەهاند، ئه‌ركێ ڤان دوو لیوایێن هەڤبەش پاراستنا دەڤەرێن بۆشایێن ئێمناهیێ یە و رێگریكرن ل داعش بۆ بکارئینانا ڤان دەڤەرا وەکو مۆلگەهـ .
