ئەڤڕۆ چوارشەممێ، 25ـی تشرینا ئێکێ 2023، ئەنجوومەنێ وەزیرانێ هەرێما کوردستانێ، ب سەرپەرشتییا مەسرور بارزانی، سەرۆکێ ئەنجوومەنێ وەزیران و ب ئامادەبوونا قوباد تاڵەبانی، جێگرێ سەرۆکێ ئەنجوومەنێ وەزیران، کۆمبوونا ئاسایییا خۆ دێ کەت.
لدیف راگەهاندنەکا فەرمانگەها میدیا و زانیاری، د تەوەرێ ئێکێ یێ کۆمبوونێدا، ئەنجامێ کۆمبوونا هەفپشکا دناڤبەرا لیژنەیا دارایییا ئەنجومەنێ نوینەران و شاندێ حکومەتا هەرێما کوردستانێ و ئەو بنەمایێن کو د کۆمبوونێدا هاتینە پەسەند کرن و پێنگاڤێن جێبەجێکرنا وان دێ هێنە بەحسکرن.
تەوەرێ دووەیئ کۆمبوونێ، دێ تایبەت بیت ب مێڤانداریکرنا دیوانا چاڤدێریا دارایییا هەرێما کوردستانێ، ب مەرەما خستنەڕوویا دوماهیک ئەنجامێ پرۆسەیا هویربینیا هەفپشکا هەردوو دیوانێن چاڤدێریا دارایییا فیدراڵی و هەرێمێ، سەبارەت ب داهات و خەرجییان و میلاکێ گشتی ل هەرێما کوردستانێ.
