مەسرور بارزانی، سەرۆکێ حکومەتا هەرێما کوردستانێ، ڕاگەهاند: "پرۆژەىێ ئەلیکترۆنییێ (هژمارا من) ئاسانکارییا وەرگرتنا مووچەی بۆ هاووڵاتییان دکەت و د ماوەیەکێ زۆدا پرۆژەکە ل دهۆک و سلێمانیێ دێ هێتە جێبەجێکرن."
ڕۆژا چوارشەممێ، ١١ـى تشرینا ئێکێ ٢٠٢٣، مەسرور بارزانی، سەرۆکێ حکوومەتا هەرێما کوردستانێ، پرۆسەیا تۆمارکرنا پرۆژەیێ "هژمارا من" ل ڕێڤەبەریا پۆلیسێن پارێزگەها هەولێر بسەر کرەڤە،ڕاگەهاند: "ئەڤ پرۆژەیە ئاسانكارییەكا زۆر د كڕین و معاملێ ڕۆژانە بۆ هاووڵاتیان دكەت، د هەمان دەمدا هاریکارە بۆ ڕێگریكرن ل گەندەڵی و سپیكرنەڤا پارەی و ئاسانکاریێ ل پێدانا مووچەی د دەمێ خۆدا دکەت".
نها پرۆژێ "هژمارا من" بتنێ ل هەولێر کار دکەت، سەرۆکێ حکومەتا هەرێمێ لدۆر بکارئێخستنا زێدەترا پرۆژەکەی ل دەڤەرين دیکەژی گوت:" د ماوەیەکێ زۆ ل دهۆک و سلێمانيێ ژی ئەڤ پرۆسەیە دێ کەڤیتە کار و فەرمانبەر و کارمەندێن کەرتێ گشتی و تایبەت ڤەدگریت."
پرۆژێ "هژمارا من" سیستەمەکێ بانکییێ حکومەتا هەرێمێیە، بۆ پێدانا مووچەی ب شێوەیەکێ ئەلیکترۆنی ب فەرمانبەران و مووچەخۆران؛ چەندین مفا بۆ هاووڵاتیێن هەرێما کوردستانێ دێ هەبیت، وەک ئاسانکارییا مووچە دابەشکرنێ د دومێ خۆدا و ڕاکێشانا پارەی د هەر دەموکیدا ب ڕێکا ئامێرێ پارەدانێ. ژبلی کێمکرنا ئەرکێ مووچەخۆران و بهێزکرنا سیستەمێ بانکی ب ئاراستەىێ بدیجیتاڵکرنا معاملەیێن دارای ل هەرێما کوردستانێ.
فەرمانگەها میدیا و زانیاری
