دۆناڵد ترەمپ دێ بیتە ئێكەم سەرۆكێ ئەمریكا د مێژوویا ئەمریكادا كو ژبەر تۆمەتباركرنێ دێ چیتە دادگەهێ.پارێزەرێ ترەمپ، جۆی تاكۆپینا راگەهاند، دەستەیا دادگەها مەزنا نیویۆرك دەنگدایە بۆ دادگەهکرنا ترەمپ ل چوارچێوفێ ڤەکۆلینان سەبارەت پێدانا 130 هزار دۆلاران ب ستێرکا سینەمایێ، ستۆرمی دانیێڵز بۆ "بێدەنگكرنێ" كو ل دەرڤەی پەیوەندییا هەڤژینیێ سێكس دگەڵ ترەمپدا كریە.
بڤی شێوەی ترەمپ دبیتە ئێكەم سەرۆكێ بەرێ یێ ئەمریكا د مێژوویا ئەڤی وەڵاتیدا كو دێ ل دادگەهێ بەرهەڤبیت ژبەر وان تۆمەتێن هاتینە ئاراستە كرن.
ترەمپ كو كاندیدە بۆ هەڵبژاردنا سەرۆكایەتییا ساڵا 2024یا ئەمریكا، ل 18ی ئادارێ راگەهاندبوو كو داخازکەرێ گشتییێ دەڤەرا مانهاتان چاڤەرێی دەستەسەرکرنا وی دكەت، و داخوازا نەرازیبونێ كریە.
