ڕیڤەبەریا گشتيیا كەشناسی و بومەلەرزەزانییا هەرێمێ راگەهاند: "ئەڤڕۆ و سبەی بەفر و بارانبارین ل زۆربەیا دەڤەرێن هەرێما كوردستان دێ بەردەوامبیت و ژ ئەنجامێ هاتنا بارستە هەوایەكێ سار بۆ سەر دەڤەرێ ب شێوەیەكی گشتی ئەسمان دێ عەورێ تەواو بیت و پلەیێن گەرمێ دێ داکەڤن ".
لدیف راگەهاندنا گشتییا كەشناسییا هەرێمێ: ئەڤڕۆ ئەینیێ، ئەسمان دێ دناڤبەرا نیف عەور و عەورێ تەواو دابیت، ئەگەرێ نەرمە بارانێ ب شێوەیێ پچڕپچڕ ل هندەك دەم و دەڤەرێن جیاواز دێ هەبیت ب تایبەتی ل دەڤەرێن چیایێن سنوورێ پارێزگەها هەولێر و سلێمانی و هەڵەبجەی.
د راگەهاندنەکێدا هاتییە: سبەی شەممبیێ ژ ئەنجامێ هاتنا بارستە هەوایەکێ سار بۆ سەر دەڤەران ب شێوەیەكێ گشتی ئەسمان دێ عەورێ تەواو بیت و پلەیێن گەرمێ دێ داکەڤن، بارانبارین ل پرانیا دەڤەرێن جوداجودا دێ یابەردەوامبیت كو زۆرترین ڕێژەیا بارینێ دێ ل سنوورێ ئیدارەیێن راپەڕین و سۆران بیت، هەروەسا بەفربارین دێ ل پرانیا دەڤەرێن چیای هەبیت.
بلندترین پلەیێن گەرما پێشبینیكری ب پلەیا سیلیزی:-
هەولێر/ 12 پلە سیلیزی
سلێمانی/ 12 پلە سیلیزی
دهۆك / 14 پلە سیلیزی
كەركوك/ 10 پلە سیلیزی
هەڵەبجە/ 9 پلە سیلیزی
زاخۆ/ 13 پلە سیلیزی
سۆران / 5 پلە سیلیزی
گەرمیان/ 10 پلە سیلیزی
