لدیف بەیاننامەیەکا باڵیۆزخانا ئەمەریکا ل ئەنقەرە، حکومەتا ئەمریکا وەڵاتیێن خۆ ژ ئەگەرێ هێرشا تیرۆریستی دژی کەنیسان و نوینەرێن دیپلۆماسی ل ئستانبوڵ و چەند دەڤەرەکێن دیکە ئاگەهدار دکەت.
د بەیاننامەکێدا هۆشداری داییە وەڵاتیان سەرەدانا جهێن قەرەباڵغ نەکەن و ئاگەهداری وان جهانبن یێن کەسێن بیانی ل تورکیا بشێوەیەکێ بەردەوام سەرەدانێ لێ دکەن، بتایبەتی بیئۆغڵو، گالاتا، تەقسیم و جادەیا ئیستیقلال.
باڵیۆزخانەیا تورکیا ل ئەنقەرە شیرەتان ل وەڵاتیان دکەت کو، چاڤێن وان لسەر میدیایێن ناڤخۆی بیت و ئاگەهداری دەوروبەرێ خۆ بن.
ئەڤ ئاگەهدارییا ئەمەریکا پشتی وێ چەندێ دهێت کو ل سوید و دانیمارک کۆپیا قورئانا پیرۆز هاتیە سوتن.
چەندین وەڵات و دامەزراوەیێن ئیسلامی هەڵویستێ خۆ لدژی سوتنا قورئانێ راگەهاند و بەشەك ل رێکخراوێن کۆمەڵگەهێ نێڤدەولەتی کریارەکە سەرکۆنە کر.
