ئه‌ڤڕۆ سێشه‌ممێ (24ـی كانوونا دوویێ 2023)، نەوزاد کامل، ڕێڤەبەرێ گشتیێ بازرگانی ل وه‌زاره‌تا بازرگانی و پیشه‌سازییا حكومه‌تا هه‌رێما كوردستانێ راگه‌هاند، ئەرزاقێ هەیڤێن (كانوونا دوویێ، شوبات و ئادارێ) ل كۆگەهان یێ بەرهەڤە و هەیڤانە دێ بسه‌ر بریكارێن خۆراكیدا هێتە دابه‌شکرن.
هه‌روه‌سا ڕێڤەبەرێ گشتیێ بازرگانیێ پشتراستی دایه وەڵاتییان كو ئه‌ڤساڵژی وه‌ك ساڵێن بووری ئەرزاقێ هەیڤانە دێ هێتە دابه‌شکر .
سه‌باره‌ت ب بڵندبونا بهایێ ماددەیين خۆراكی د بازاڕێدا ژبەر بڵندبونا بهایێ دۆلار، نه‌وزاد كامل داخواز ل وەڵاتییان كر ژبەر بڵندبون و داکەفتنا بهایێ دۆلار مادده‌یێن خۆراكیێ هەیڤانە دەمێ وه‌رد‌گرن نه‌فرۆشنه‌وه و گوت، داکو بهایێ مادده‌یێن خۆراكی د بازاڕێدا زێدەتر بڵند نەبیت و وەڵاتی نەچارنه‌بن پێدڤیێن خۆ ب بهایەکێ زێدەتر ل بازاڕێ بكڕن، دێ لەزێکەین ل دابه‌شكرنا ئەرزاقێ هەیڤانە ددەمێ خۆدا، داکو وەڵاتی مفای لێ وەربگرن و بۆ خۆارنا رۆژانه بكاربئینن.
