لدیف راگه‌هاندنا نڤسینگه‌ها سه‌رۆك وه‌زیرانێ عێراقێ،محەممەد شیاع سوودانی حەفت بڕیار ژبوی داکەفتنا بهایێ دۆلار دەرکرینە:
ئێکەم: دەروازەیەکێ نوی بۆ بازرگانان ل بانکا بازرگانیا عێراقێ (TBI) دێ هێتە ڤەکرن بمەرەما کڕینا دراڤێ بیانی.
دووییەم: بانکا ناڤەندی ببهایێ 500 ملیۆن دۆلاران دێ پشتەڤانیا بانکا بازرگانیا عێراقێ (TBI) کەت بمەرەما ئاسانکاریان بۆ خاڵا ئێکەم.
سێیەم: پرۆسا هاوردەکرن و هەناردەکرنێ ژلایێ هەمی وان کۆمپانیێن ل وەزارەتا بازرگانی د تۆمارکرینە و د بوارێن جیاوازدا کار دکەن،دێ دەستپێکەت و هەمی کارئاسانی دێ بۆ هێنەکرن.
چوارەم: ئاسانکاری بۆ ئینانا کاڵایان دێ هێتەکرن و مەرجێن پێدانا بارمتەی دێ هێنە کێمکرن، هەروەسا سزایێ پاشکەفتنا هاوردەکرنێ دێ هێتە هەڵوەشاندن.
پێنجەم: ئێکەتیا ژورێن بازرگانی، ئێکەتیێن پیشەسازی و کەرتێ تایبەت دێ بەژداریێ کەن ل کۆبونەوەیێن ئەنجومەنێ وەزارن بۆ ئابوری.
شەشەم: کۆبونەوەیا دناڤبەرا سەرۆک وەزیران، ئێکەتیا ژورين بازرگانی، پارێزگارێ بانکا ناڤەندی، ڕێڤەبەرێ دەروازەیێن سنوری، باج، گومرگ و پێشانگەهێن بازرگانی بشێوەیێ حەفتیانە دێ بەردەوام بیت بۆ چاودێریا جێبەجێکرنا بڕیارەکا.
حەفتەم: فەرمانگەها خانیبەرەی، تۆمارێن کۆمپانیایان، گەشەپێدانا پیشەسازی، دەستەیا وەبەرهێنان و بانکا رەشید و رافیدەین بۆ کۆبونەوەیێن داهاتی دێ هێنە داخوازکرن و دێ بەژداریێ کەن.
