ئەڤڕۆ چوارشەممێ 11/1/2023، مەسرور بارزانی سەرۆکێ حکومەتا هەرێما کوردستانێ ب سەرۆکایەتیا شاندەکێ باڵایێ حکومەتێ گەهشتە بەغدا، ل ویستگەهێ ئێکەمێ سەرەدانا خۆدا سەرۆکێ حکومەتێ دگەڵ محەممەد شیاع سوودانی سەرۆکوەزیرانێ عێراقێ کۆمبیەڤە.
پشتی گەهشتیە بەغدا مەسرور بارزانی سەرۆکێ حکومەتا هەرێما کوردستانێ، د تویتەکێدا راگەهاند: "ڤەگەریاینەڤە بۆ به‌غدا و دبەرهەڤین دگه‌ڵ حكومه‌تا نوی یا عێراقێ كاربكه‌ین داکو داهاتییەکێ باشتر و بۆ گه‌لێ خۆ بونیادبنێین".
پێشترژی نڤیسینگەها سەرۆکێ حکومەتا هەرێما کوردستانێ راگەهاندبو، مەسرور بارزانی ل بەغدا، دێ دگەڵ هەر چوار سەرۆکایەتیێن عێراقێ، سەرۆک وەزیران محەممەد شیاع سوودانی، سەرۆک کۆمار لەتیف رەشید، سەرۆکێ ئەنجومەنێ نوینەران محەممەد حەلبووسی و سەرۆکێ ئەنجومەنێ بڵندێ دادوەری فائق زێدان کۆمبیتەڤە. د کۆمبوونەکێدا، گفتوگۆ دەربارەی چارەسەرکرنا ئاریشەیێن دناڤبەرا هەرێما کوردستانێ و حکومەتا فیدراڵ، لسەر بنەمایێ دەستوورێ و رێککەفتنا لایەنان بۆ پێکئینانا حکومەت و کارنامەیا وەزاری دێ هێتەکرن.
