ئەڤرۆ مەسرور بارزانی سەرۆکێ حکومەتا هەرێما کوردستانێ پێشوازی ل ئەلینا رۆمەناوسکی باڵیۆزا ئەمەریکا ل عێراقێ کر
د کۆبوونەوەکێدا گفتوگۆ دەربارەی بارودۆخێ گشتییێ عێراقێ و بەرەفپێشبرنا پەیوەندییێن هەرێما کوردستانێ و ئەمەریکا هاتە کرن.
هەردوو لا هەفرەئی بوون لسەر گرنگیا چارەسەرکرنا ئاریشەیێن دناڤبەرا هەرێما کوردستانێ و حکومەتا فیدراڵدا، ب شێوەیەکي بنەڕەتی و لسەر بنەمایێ دەستوورێ و ڕێککەفنا لایەنان بۆ پێکئینانا حکومەت و کارنامەیا وەزاری.
هەروەسا ئاماژە بوێ چەندێ هاتیە دان کو گفتۆگۆ و دانوستاندێن دناڤبەرا حکومەتا ھەرێمێ و حکومەتا فیدراڵی بەردەوامە بۆ گەهشتن ب ڕێککەفتنەکە ھەمیلایەنە و دادپەروەرانە لسەر ھەمی ئاریشان کو ماف و شایستە دەستووریێن ھەرێما کوردستانێ دابین بکەت و ل بەرژەوەندیا گشت وەڵاتیێن عێراقێدا بیت.
دبەشەکێ دیێ کۆبوونەوەکێدا بەحسێ چاکسازیين وەزارەتا پێشمەرگەی و جێبەجێکرنا ڕێککەفتناما شنگالێ بۆ ئاساییکرنەڤا بارودۆخێ دەڤەرەکێ و گەڕانەوا ئاوارەیان بۆ جهێن وان هاتە کرن .
