لدیف راگەهاندنا نڤیسینگەها سەرۆکوەزیرانێ عێراقێ، ئەڤڕۆ سێشەممێ 27ی کانوونا ئێکێ 2022، محەممەد سوودانی و مسته فا غالب پارێزگارێ بانکا ناڤەندیا عێراقێ، سەبارەت بلندبوونا بهایێ دۆلار کۆمبون سوودانی داخواز ل بانکا ناڤەندی کر بۆ سەقامگیریا گشتی ل بهایێ گۆهارتنا دراڤی، رێکاران بگرنەبەر و چاڤدێریا بانکان بکەن.
د کۆمبونەکێدا سەرۆکوەزیرانێ عێراقێ جەختیکریەڤە، پێدڤیە بانکەکە بۆ گرتنەبەرا رێکارێن پێدڤی بۆ رێگریکرن ل بلندبوونا بهایێ دۆلار بشێوەیێ نەیاسایی، کو زیان ب بازاڕێ ناڤخۆ دگەهینت و دەبیتە ئەگەرێ بلندبوونا بهای.
پارێزگارێ بانکا ناڤەندی د کۆمبونەکێدا راگەهاندیە، قەیرانا دراڤێ بیانی بەرامبەر دینارێ عێراقێ کاتییە و هۆکارەکێ تەکنیکییە و دگەڵ کارکرنا پلاتفۆرما نوی یا ئۆنلاین و پاشئێخستنا ڤەگوهاستنێ ب هەلکەفتا بێهنڤەدانا کریسمسێ.
هەروەسا دەستەیا رێڤەبرنا بانکا ناڤەندیا عێراقێ راگەهاندنەک سەبارەت بلندبوونا بهایێ دۆلار بەرامبەر دیناریێ عێراقی بەڵاڤکر و راگەهاند، داخوازێ ل بانکان دکەین بەرپرسیاریەتیا خۆ ل ئاسانکاری و بلەزکرنا رێکاران بۆ کڕیاران ل ستویێ خۆ بگرن، بۆ دڵنیابوون ل دەستگەهشتنا وان ب داراییێن وان ب باشترین پراکتیزا بانکان و ب کێمترین بڕا لوپێ، ب لەبەرچاڤ وەرگرتنا پێدڤیێن یاساییێن دامەزراوان.
د راگەهاندنەکێدا هاتییە: " داخوازێ ل بارزگانان دکەین بتنێ ل بانکان مامەڵەیێ دارای ئەنجام بدەن و پەنایێ بۆ دۆلار فرۆشان نەبەن، داکو لدەمی مامەلەیێن خۆدا خەرجێن زێدە نەدەن".
