ئه‌ڤڕۆ پێنجشه‌ممێ 22ـی كانوونا ئێکێ 2022، ساسان عەونی، وەزیرێ شارەوانی و گەشتوگوزارێ سەبارەت ب گوژمەكەی راگەهاند، مەسرور بارزانی، سەرۆكێ حكومەتا هەرێما كوردستانێ رەزامەندی دا لسەر خەرجكرنا گوژمێ پێنج ملیار و 500 ملیۆن دیناران بشێوەیێ نەختینە لسەر بودجەیێ وەبەرهێنانێ وەزارەتا شارەوانی و گەشتوگوزارێ ب مەبەستا جێبەجێكرنا پرۆژەیێ قیرکرنا جادەیان و دروستكرنا شۆستە و گەهاندنا ئاڤێ و دروستكرنا ئاڤەرۆیان ل كەرتێ 128ێ عەنكاوە.
ساسان عەونی، وەزیرێ شارەوانی و گەشتوگوزارێ سەبارەت ب كاریگەرییا ئەڤی گوژمەی لسەر پەرەپێدانا پرۆژەیێن عەنكاوە، گوت: ئەو گوژمە دێبیتە ئەگەرێ پەرەپێدانا زێدەترا پرۆژە خزمەتگوزاریێن عەنكاوە و ژلایێ خزمەتگوزاریانڤە شارۆچکەکی پێنگاڤەکا دیكە دێ چێتە پێش و ئاستێ خزمەتگوزاریان دێ تێدا بلند بیتەڤە.
