مه‌سرور بارزانی، سه‌رۆكێ حكومه‌تا هه‌رێما كوردستانێ سەبارەت وان هێرشێن بۆ سەر جووتیارێن كورد ل سنوورێ قه‌زایا داقووقا سه‌ر ب پارێزگەها كه‌ركووك په‌یامەک راگه‌هاند
ده‌قێ په‌یامه‌كێ
هێرشکرنە سەر جووتیارێن کورد ل سنوورێ قەزایا داقوق-ا سەر ب پارێزگەها کەرکووک، جهێ دڵگرانیێیە. داخوازێ ژ سەرۆک کۆمارێ عێراقێ و سەرۆک وەزیران و سەرۆکێ ئەنجوومەنێ نوێنەرانێن فیدراڵ دکەم بلەز دوماهیکێ ب هێرشکرنە سەر جووتیارانێن کورد ل سنوورێ داقوق و دەڤەرێن دیکەیێن کەرکووک بینن، کو ژلایێ کەسێن دەستچویڤە دهێتە ئەنجامدان و ب شێوەیەکێ نەیاسایی هەوڵا دەرکرنا کوردان و دەستبەسەرداگرتنا زەڤیێن وان دەدەن
ئەڤ ڕەفتارە دژی بنەمایێن پێکڤەژیانا ئاشتییانەنە و بڕگەهێن ماددەیێ 140ێ دەستووریێ عێراقێنە و پێدڤیە دەزگەهێن پەیوەندیدارێن حکومەتا فیدرال ، سنوورەکی بۆ ئەڤان پێشێلکارییان دابنێن.
مەسرور بارزانی
سەرۆکێ حکومەتا هەرێما کوردستانێ
2022/12/7
