دەقێ پەیامەکێ
ب هەلکەفتا هاتنا ساڵا نوییا زایینی 2023، پیرۆزباهیێ ل هەمی وەڵاتیێن هەرێما کوردستانێ، ب تایبەتی پێشمەرگەهێن قەهرەمان و هێزێن ئاسایشا نافخۆ و بنەماڵە و کەس و کارێن سەربلندێن شەهیدان ، هەروەسا گەلێن عێراقێ و جیهان دەکەم. هیڤیدارم ساڵا نوی، ساڵا خۆشگوزەرانیێ و پێشکەفتن و گەشەپێدانا زێدەترا کوردستانێ بیت.سەرەڕای سنوورداریا شیانێن بەردەستێ حکومەتا هەرێما کوردستانێ ، لێ د ساڵا بوریدا، شیایین ب هەفکاریا کەرتێ تایبەت، چەندین پڕۆژەیێن جۆراجۆر ل باژێرێن کوردستانێ، ل بوارێن ڕێکوپران و کشتوکاڵی و پیشەسازی و بدیجیتاڵکرنا خزمەتگوزارییان ئەنجام بدەین . ئەڤە جودا ژ ساڵا بوری، د بوارێ دیپلۆماسی و بەرەف پێشبرنا پەیوەندییان دگەڵ وڵاتێن عەرەبی و دەڤەرێ و ئەوروپا، ساڵەکا بەرهەمدار بوو.
لێ ب لێبورینڤە، ل ساڵا بوری، ڕیووبڕووی چەندین هێرشان بووینەڤە، ددەمەکیدا هەرێما کوردستانێ وەک هەردەم، فاکتەرەکێ ئاراميی و سەقامگیرییێ بوویە ل عێراقێ و دەڤەرێ و چ دەمان جهێ هەڕەشێ نەبوویە بۆ چ لایەکان، هیڤیدارم ل ساڵا داهاتی، ئاسایش و سەقامگیرییا هەرێما کوردستانێ و عێراقێ و دەڤەرێ بگشتی، پارستی و جێگیر بیت و ئاریشەیێن دناڤبەرا هەرێما کوردستانێ و حکومەتا فیدراڵ ل سەر بنەمایێ دەستوور و بشێوەیەکێ بنەڕەتی چارەسەر ببن، داکو بشێن ب هەفکاریا هەمی لایان، درێژێ ب پرۆسەیا چاکسازییان و خزمەتکرنا زێدەترا خەڵکی کوردستانێ بدەین. و هەمی لایەک بەرژەوەندیا نیشتمانیی بئێخینە سەرفەی هەمی بەرژەوەندییێن دیکە و ڕێزێ ل سەروەریا یاسایێ بگرین.
هیڤیدارم ساڵیا نوی، ساڵا دوماهیک هاتنا نەخۆشی و پەتایان و قەیرانان و دەستەبەربوونا ئاشتی و ئارامیێ بیت بۆ مرۆڤایەتیێ بگشتی.
ساڵا نوی ل هەمیان پیرۆز بیت و خودایێ مەزن کوردستانێ بپارێزیت.
مەسرور بارزانی
سەرۆکێ حکومەتا هەرێما کوردستانێ
2022/12/31
