هێڤاریا ئەڤڕۆ پێنجشەممێ 8ی كانوونا ئێکێ 2022، مەسرور بارزانی سەرۆکێ حکومەتا ھەرێما کوردستانێ و لۆرد تاریق ئەحمەد وەزیرێ دەوڵەتا بەریتانیا بۆ ڕۆژھەڵاتا ناڤەڕاست و باشوورێ ئاسیا و نەتەوەیێن ئێکگرتی، پەیوەندییەکا تەلەفۆنی ئەنجامدا.
هەردوولا هەڤرەئی بون لسەر گرنگیا پاراستنا ئاسایش و سەقامگیریا عێراقێ و هەرێما کوردستانێ.
سەرۆکێ حکومەتا هەرێما کوردستانێ، ئاماژەی ب بەرفپێشچونا پەیوەندییێن دناڤبەرا هەرێما کوردستانێ و شانشینا ئێکگرتی کر بتایبەتی د بوارێن هەفکاریێن ئەمنی و پەروەردەی و بازرگانی و وەبەرهێنانێ، سەرۆکێ حکومەتێ ستایشا هەفکاریێن تەکنیکیێن بەریتانیا کر بۆ بدیجیتاڵکرنا خزمەتگوزاریێن گشتی و چاکسازیکرن د بوارێ باجێدا.
هەروەسا سەرۆکێ حکومەتێ بەحس ژ هنارتنا بەرهەمێ کشتوکاڵییێن هەڵەبجەی و زاخۆ بۆ ئیمارات و کەنداو کر. هەردوولا هەڤرەئی بون لسەر وێ چەندێ کو بەریتانیا دێشێت پشتەڤانیا حکومەتا هەرێمێ بکەت د بوارێ دابینکرنا خۆراکێ جیهانی و وەبەرهێنان د بوارێ بانکیدا.
