موعین كازمی راگەهاند: پرۆژه‌بودجه‌یێ ساڵا داهاتی ژبەر وه‌ڵام و داخوازیا وه‌زاره‌تێ و پارێزگەهان بۆ 222 ترلیۆن دیناران دێ بلند بیت، ئه‌ڤەژی دێ وەکەت وه‌زاره‌تا دارایا جارەکادی پێداچوونێ ب ره‌شنڤیسەکەیدا بكەتەڤە و بهنێریتەڤە بۆ ئه‌نجومه‌نێ وه‌زیران.
گوتژی: پێداچوونه‌وا پرۆژه‌كەی 15 رۆژ پێدڤینە و پێشبینیێ دكه‌ن ئه‌نجوومه‌نێ وه‌زیران ل دوماهیکا هەیڤا داهاتی ره‌شنڤیسێ دوماهیکا پرۆژه‌كه‌ی په‌سه‌ندبکەت.
ژلایەکێ دیکەڤە محەممەد عه‌نووز سه‌رۆكێ لژنه‌یا یاساییا په‌رله‌مانێ عێراقێ سەبارەت پرۆژه‌بودجه‌یێ ساڵا داهاتی و گه‌هشتنا پرۆژەکەی بۆ په‌رله‌مانی، راگەهاند: په‌رله‌مان نەشێت بێهنڤەدانا یاسادانانێ هه‌ڵبوه‌شینتەڤە.
عه‌نووز ئاماژە بوێ چەندێکر: لدیف ده‌ستووری هه‌ردەمێ پرۆژه‌بودجه پێش بێهنڤەدانا یاسادانانێ بگەهتە په‌رله‌مانی، یا پێدڤیە په‌رله‌مان لسه‌ر كارێن خۆ یا بەردەوام بیت و پرۆژه‌كەی ته‌واو بكەت. دادیارکرن، د نهادا په‌رله‌مان نەشێت بێهنڤەدانا خۆ كێم بکەت یان هه‌ڵبوەشینتەڤە.
