سەرچاوەیەکی ل ڕێڤەبەریا ژمێریاریا وەزارەتا دارای و ئابوریا هەرێمێ راگەهاند: ئەڤڕۆ ڕێڤەبەریا ژمێریاری ل وەزارەتا دارایی و ئابوریا هەرێمێ هەمی گەنجینە ئاگەهدار کرینە کو "بلەز" لیستا مووچەیێ هەیڤا 12 رەوانە بکەن.
دایە دیارکرن: رۆژا ئێکشەمبیا داهاتی 25ی کانونا ئێکەم بێهنڤەدانا فەرمییە، ژبەرڤێ چەندێ هەمی ئاماژە بەرەف وێ چەندێ دچن کو ل رۆژا دوشەمما داهاتی (2022/12/26) دەست ب دابەشکرنا مووچەیێ هەیڤا 12 بهێتە کرن، پشتی کو ڕێڤەبەریا ژمێریاری بڕیارێ لسەر دابەشکرنا موچەی ددەت.
سەرچاوەیێ وەزارەتا دارایی و ئابوری گوتژی: هەتا پێش سەرێ ساڵێ دهێتە چاڤەرێکرن مووچەیێ چوار وەزارەتان بهێتە دابەشکرن لدیف لیستا وەزارەتان کو پێشتر هاتبو راگەهاندن و دابەشکرنا مووچەیێ وەزارەتێن دیکە دێ کەڤیتە پشتی سەرێ ساڵێ.
