ڕێڤەبەریا کەشناسی و بومەلەرزەزانیا هەرێما کوردستانێ پێشبینییێن کەشوهەوایێ 48 دەمژمێرێن داهاتی بەلاڤکر، لدیف پێشبینییان، ئەڤڕۆ دووشەممێ 28/11/2022، ئەسمان دێ نیف عەور بیت، پلەیێن گەرمێ (1-2) پلەیان دێ بلند بن.
کەشناسیێ سەبارەت کەشوهەوایێ سبەی راگەهاند، رۆژا سێشەممي ئەسمان دێ ژ نیف عەوری هێتە گۆهرین بۆ عەورێ تەمام، لهێڤاری باران بارین دێ دەستپێکەت، دەستپێکێ ل دەڤەرێن رۆژئاڤایێ هەرێمێ بشێوەیێ تاڤە باران و بروسیان دێ دەست پێکەت و دیفدا نەرمە باران دێ پرانیا دەڤەرێن هەرێمێ ڤەگریت بتایبەتی دەڤەرێن چیای، بۆ رۆژا چوارشەمێ باران بارین دێ هەمی هەرێما کوردستانێ ڤەگریت.
ئەڤ شەپۆلە پشتی وێچەندێ دهێت حەفتەیا بووری شەپۆلەکا بارانبارینێ هەرێما کوردستانێ ڤەگرت و ل هندەک دەڤەران پەڵێ کەفتیە، کو بو ئەگەرێ دڵخۆشیا جووتیاران.
