د راگەهاندنەکێدا نوینەرێ نەتەوەیێن ئێکگرتی ل عێراقێ دبێژیت: "ئەم ئیدانەیا هێرشا مووشەکی و دڕۆنییێن سەر هەرێما کوردستانێ دکەین، کو پێشێلکرنا سەروەریا عێراقێ یە".
د راگەهاندنا نەتەوەیێن ئێکگرتیدا هاتیە: "عێراق نابیت بۆ ئێکلا کرنەڤا ئاریشەیان بکار بهێت، پێدڤیە رێز ل ئێکپارچەیێ بهێتە گرتن، گفتوگۆیا دناڤبەرا عێراقێ و ئیرانێدا سەبارەت ب پرسێن ئاسایشیێن دوولایەنی تاکە رێکا بەرەڤپێشچوونێیە".
سپێدە هیا ئەڤڕۆ دووشەممێ 14/11/2022، ئیرانێ چەند مووشەکەک ئاراستەی بارەگەهێ حزبا دیموکراتا کوردستانا ئیرانێ ل کۆیێ و حزبا زەحمەتکێشانا کوردستانا ئیرانێ ل زڕگوێز کر،د ئەنجامێ هێرشێن ئیرانێدا پێشمەرگەهەکێ حزبا دیموکرات شەهیدبوو و هەشت کەسێن دیکە برینداربوون.
