ئه‌ڤڕۆ سێشه‌ممێ (15ی تشرینی دوویێ 2022)، د روونكرنەکێدا، وه‌زاره‌تا دارای و ئابووریا حكومه‌تا هه‌رێما كوردستانێ ئاماژه بوێ چەندێ کریە، هەتا نوکە چ پەیوەندییێن نوی دناڤبەرا وەزارەتا داراییا هەرێما كوردستانێ و كابینەیا نویا حكومەتا عێراقێدا نییە.
د به‌شەکێ دیكه‌یێ روونكرنەکێدا، وه‌زاره‌تا دارایی روونیكریەڤە، ل رۆژا دووشه‌ممێ چ كۆمبونێن وه‌زیرێ دارایی و ئابووریا حكومه‌تا هه‌رێما كوردستانێ د‌گه‌ڵ ڕێڤەبەرێ وه‌زاره‌تێ نەهاتیە ئه‌نجامدان.
هه‌روه‌سا جەخت لوێ چەندێژیکریە، هه‌واڵێ هنارتنا 200 ملیار دیناران ژلایێ به‌غداوه بۆ هه‌رێما كوردستانێ، هه‌واڵەکێ نەڕاسته و ئاوات شێخ جه‌ناب، وه‌زیرێ دارایی و ئابووریێ حكومه‌تا هه‌رێما كوردستانێ "لێ بێبه‌رییه".
وه‌زاره‌تا دارایی و ئابووری داخواز له ده‌زگەهێن راگه‌یاندنێ كرییە، بۆ وه‌رگرتنا زانیاریان و هه‌واڵێن دارایی، پشت ب راگه‌هاندنا وه‌زاره‌تا خۆ گرێبدەن.
