هانی عومه‌یر ئه‌ندامێ لژنه‌یا حه‌ج و عومڕه‌یا عێراقێ ڕاگه‌هاند: ل عێراقێ نێزیکی 150 كۆمپانی هه‌نە کو گه‌شتا عومڕێ بۆ وەڵاتێ سعوودییه ب باشترین شێوه ئه‌نجام دده‌ن.
ڕاگه‌هاندژیک: ل ڕیزبه‌ندیا وەڵاتێن جیهانێ بۆ ئه‌نجامدانا گه‌شتێن عومڕێ عێراق ل ڕیزا دوویێ دهێت پشتی ئه‌ندۆنیسیا، پشتی وانژیک هه‌رئێك ژ وەڵاتێ توركیا، پاكستان، مالیزیا، هیندستان و ئازه‌ربایجان دهێن.
هه‌روه‌سا دا دیارکرن: پێشبینی دهێتەکرن ل داهاتیدا ئه‌نجامدانا گه‌شتا عومڕێ لسەرانسەری جیهانی زێدەتر ببیت.
ئه‌ڤە ددەمەکیدایە كو نها بهایێ ئه‌نجامدانا گه‌شتا عومڕێ ل هه‌رێما كوردستانێ و عێراقێ ژبەر زۆریا كۆمپانیایان وهەڤرکیێ دناڤبەرا واندا، بڕێژەیەکا به‌رچاڤ داکەفتیە و نها كێمترین بهایێ هه‌ر گه‌شتەکا عومڕێ دناڤبەرا 650 هەتا 700 دۆلاران دایە.
