ئەڤڕۆ سێشه‌ممێ 25ـی ئۆكتۆبه‌را 2022 وه‌زاره‌تا په‌روه‌رده‌یا حكومه‌تا هه‌رێما كوردستانێ، راگه‌هاندنەک بەلاڤکر تێدا هاتیە: مه‌سرور بارزانی سەرۆکێ حکومەتا هەرێما کوردستانێ، 6 ملیار دینار بۆ ناڤەندێن خواندنا وەزارەتا پەروەردێ تەرخانکرن، بڤی شێوەیێ خۆارێ:
1- بڕا سێ ملیار دیناران بۆ دروستکرنا ژوورێن نویێن خواندنێ ل ناڤەندێن خواندنێ ل وەزارەتا پەروەردێ، د نهادا هەمی رێکارێن ئەندازەیی و کارگێری و فەرمانێن خەرجیا دارایی بۆ دروستکرنا (184) ژوورێن نویێن خواندنێ (هۆبە) بدوماهیک هاتیە، لسەر بودجەیێ ئاساییێ ڕێڤەبەریا گشتیا پەروەردەیا پارێزگە و ئیدارەیێن سەربخۆ، د نهادا دشێن دەستبکاربن بۆ جێبەجێکرنێ.
2- بڕا سێ ملیار دیناران بۆ نۆژەنکرنا (293) قوتابخانەیان، کو رێکارێن ئەندازەی و کارگێری و فەرمانا خەرجیا دارای لسەر بودجەیا ئاسای یا ڕێڤەبەریا گشتیا پەروەردەیا پارێزگا و ئیدارە سەربخۆ بدوماهیک هاتیە، د نهادا دشێن دەستبکاربن بۆ جێبەجێکرنێ .
