لدیف پێشبینیێن ڕێڤەبەریا گشتیا کەشناسی و بوومەلەرزەزانیێ، کەش و هەوایێ ڕۆژێن نەورۆزێ دێ بڤی شێوەی بن.
ئێکەم ڕۆژا نەورۆزێ: ئەسمان ب گشتى نیڤ عەورە لسەر دەڤەرێن سنووری ئەگەرەکێ کێمێ بەفر و نەرمە بارانێ هەیە لسەر بەشەک ل دەڤەرێن چیای باران دێ لسەر شێوێ نەرمە بارانێن دەم کورت دێ باریت.
پلێن گەرمێ دێ زێدەتر بلند بن، بلندترین پلەیێن گەرمێ دێ گەهنە نێزیکی ( 4-6) پلەیێن سیلیزى، لەزاتیا بای دێ یا لسەر خۆبیت و مەودایێ بینینێ دێ 9 کم بن ب گشتى.
دوویەم رۆژا نەورۆزێ: ئەسمان ب گشتى عەور و نیڤ عەورە پلەیێن گەرمێ دێ زێدەتر بلندبن کاریگەریا ئەو بایێ سار دێ بەرەڤ لاوازیێ چیتن.
ئەگەرێ نەرمە بارانان لسەر بەشەک ژ دەڤەرێن چیای هەیە ب تایبەتی ل سنوورێ دەڤەرێن چیایێن پارێزگەها دهۆکێ و هەولێر هندەک دەمان دێ رێژا بارانێ مامناوەند بیتن.
سەنتەرێ پارێزگەها دهۆکێ و هەولێر ئەگەرەکێ کێمێ بارینا نەرمە بارانا دەم کورت هەیە،پارێزگەها سلێمانىێ و هەڵەبجە دێ بەردەوام ئەسمان نیڤ عەور بیت بتنێ دەڤەرێن چیایێن وان هەردوو پاریزگەهان ئەگەرێ نەرمە بارانان هەیە.
سێیەم رۆژا نەورۆزێ: ئەسمان بەردەوام دێ نیڤ عەور بیت پلێن گەرمێ بکێمی دێ بلندبن ئەگەرێ زێدەبوونا لەزاتیا بای هەیە ل هەمی دەڤەران هندەک دەمان دێ گەهیتە سەرڤەی 20 کم د دمژمێرەکێدا دگەل بلندبوونا تۆزەکا کێم.
