وەزارەتا خواندنا بلند: هەرکەسەک ل دەرڤەی وەڵاتی بخوینیت پێدڤیە دۆسیا کەسى ل وەزارەتێ پڕبکەتەڤە.
وەزارەتا خواندنا بلند و توێژینەوەیا زانستى، ئاگەهداریا وان کەسان دکەت یێن دڤێت ل دەرڤەی وەڵاتی بخوینن، پێدڤیە دۆسیا کەسى ل وەزارەتێ پڕبکەنەڤە، ژبەرکو د نهادا مەرجەکا بنەڕەتییە بۆ ئێکسانکرنا بڕوانامەیان.
عەباس ئەکرەم پەیڤدارێ وەزارەتا خواندنا بلند و توێژینەوەیا زانستى د لێدوانەکێدا ڕاگەهاند: ب فەرمانا وەزاریا ژمارە (٤٧٣٤) ل ڕۆژا دووشەممێ ڕێکەڤتا (٧/٣/٢٠٢٢) و ب ئیمزایا د. ئارام محمد قادر وەزیرێ خواندنا بلند و توێژینەوەىا زانستى دەرچویە تایبەت ب خواندنێ ل دەرڤەی وەڵاتی.
د نڤیسارەکێدا هاتیە: "ئارمانج لێ ڕێکخستن و کۆمکرنا داتایەکا تێروتەسەل و تەواوە بۆ وان بەڕێزێن دڤێت ل دەرڤەی وەڵاتی بخوینن، ئەڤڕۆ وێڤە هەرکەسەک فەرمانبەر بیت یانژیک فەرمانبەر نەبیت، بڤێت ل درڤەی وەڵاتی بخوینیت ژبوی تەمامم کرنا خواندنا بەکالۆریۆس، ماستەر یان دکتۆرا، پێدڤیە ب رێکا ئەڤێ بەستەرێ (scholarship.digital.gov.krd ) دۆسیا کەسى بکەتەڤە پێش دەستپێکرن ب خواندنێ، وەزارەتێ د نڤیسارێدا ئاماژە بوێ کریە: پڕکرنەڤا دۆسیا کەسى "مەرجەکا بنەڕەتییە بۆ ئێکسانکرنا بڕوانامێ ل داهاتیدا.
