Page Nav

HIDE

Grid

GRID_STYLE
latest

وەزارەتا بەرگریا روسیا ئامارا هێرشێن ئەڤڕۆ راگەهاند




وەزارەتا بەرگریا روسیا راگەهاند،د ئێکەم پێنگاڤدا ٨٣ ئامانجان د ناڤا ئاخا ئۆکرانیا ژناڤ برن.

ئەڤڕۆ پێنجشەممێ ٢٠٢٢/٢/٢٤، وەزارەتا بەرگریا روسیا راگەهاند، دهێرشا ئەڤڕۆ دا سوپایێ روسیا بۆ سەر پێگەهێن سەربازیێن ئۆکرانیا ژمارەکا بنکەیان و ٨٣ ئامانجێن سەربازیێن ئۆکرانیا ژناڤ برن،  هەروەسا ل بەشێ دورگەیا کریمیا باژێرێ خێرسون ژلایێ هێزێن وان ڤە هاتیە کۆنتڕۆڵکرن.

ئاماژە بوێ چەندێ ژیک کر، دوو فڕۆکەیێن جەنگی Su-27، Su-24، هێلیکۆپتەرەک و چار درۆن (بيرقدار TB-2)یێن ئۆکرانیا ژلایێ هێزێن روسیا ڤە کەڤتینە خوارێ.

ئەڤڕۆ پێنجشەممێ لسەر بڕیار ڤلادیمێر پوتین، سوپایێ روسیا هێرشێن خوە بۆ سەر ئۆکرانیا دەستپێکرن و دئێکەم پێنگاڤدا ژمارەکا باژێرێن رۆژهەڵاتا ئۆکرانیا بۆردومانکرن، ژلایێ خۆڤە سوپایێ ئۆکرانیا ئێخستنا پێنج فڕۆکێن جەنگیێن روسیای راگەهاندن.

ڤلادیمیر پوتین راگەهاند: وەڵاتێ وی چ رێکرێن دی نینن ژبلی داگیرکرنا ئۆکرانیا داکو پشت راست ببن ژ سلامەتی و ئاسایشا رووسیا.