رێکخراوا ساخلەمیا جیھانی راگەھاند، ئەگەر ھەتا شەش مەھێن داھاتی 75%ـێ وەلاتیێن جیھانێ ڤاکسینا کۆرۆنایێ وەربگرن، چاڤەرێ دھێتە کرن دناڤەراستا ئەف سالەدا دوماھیھاتنا کۆرۆنایێ و باندورا وێ ل سەر جیھانێ بھێتە راگەھاندن.
تیدروس ئەدھانۆم، رێڤەبەرێ رێکخراوا ساخلەمیا جیھانی سەرەدانا ئەفریقا باشور کر و ئەو یەک ئینایە زمان، دشێین گەھشتن بۆ قوناغا دوماھیێ یا بەلاڤبونا کۆرۆنایێ رابگەھینین ئەگەر زێدەتر 70%ـێ وەلاتیێن جیھانێ ڤاکسینا کۆرۆنایێ وەربگرن، دەمێ دیارکری ژی دێ مەھا حوزەیرانێ یان تەموزێ بیت.
ل گۆر ئەدھانۆم، گەھشتن ب وێ قوناغێ یا ددەستێن وەلاتیان و حکومەتێن جیھانێدایە، ئەو ژی ب رێکا بەرفرەھکرنا ھشیاریا خەلکێ و وەرگرتنا ڤاکسینێ یە د زۆترین دەمدا.
