وەزارەتا کارەبێ راگەهاند؛ کرێیا فیوزی چ پەیوەندی ب پیڤەرێ زیرەک ڤە نینە و چ تشت ب ناڤێ راکرنا سرکێتێ پیڤەرێ زیرەک نینە.
وەزارەتا کارەبێ یا حکومەتا هەرێما کوردستانێ ئەڤرۆ د بەیانەکێ دا راگەهاند؛ ل هندەک پەیج و ئەکاونتێن ساختە یێن سوشیال میدیایێ نووچەیەک بەلاڤ بوویە کو وەزارەتا کارەبێ بۆ هەر جارەکا راکرنا سرکێتێ پیڤەرێ زیرەک هزار دیناران ژ خەلکی وەردگریت.
هەروەسا راگەهاند؛ ئەڤ نووچەیە دویرە ژ راستیێ و هەبوونا خانایەکێ ب ناڤێ کرێیا فیوزی ل سەر پسۆلەیا کارەبێ چ پەیوەندی ب پیڤەرێ زیرەک ڤە نینە.
وەزارەتا کارەبێ دیار کریە کو ئەو خانەیە بۆ کارگەهێن مەزن هاتیە دانان کو محەویلەیێن تایبەت هەنە و د چاپکرنا بهێت یا پسۆلەیان دا ئەو خانەیە نامینیت.
